satyavantharigidu kaala illa

ಸತ್ಯವಂತರಿಗಿದು ಕಾಲವಲ್ಲ ||ಪ||
ದುಷ್ಟಜನರಿಗೆ ಸುಭಿಕ್ಷಕಾಲ ||

ಹರಿಸ್ಮರಣೆ ಮಾಡುವಗೆ ಕ್ಷಯವಾಗುವ ಕಾಲ
ಪರಮಪಾಪಿಗಳಿಗೆ ಸುಭಿಕ್ಷಕಾಲ
ಸ್ಥಿರವಾದ ಪತಿವ್ರತೆಯ ಪರರು ನಿಂದಿಪ ಕಾಲ
ಧರೆಗೆ ಜಾರೆಯಳ ಕೊಂಡಾಡುವ ಕಾಲ ||

ಉಪಕಾರಮಾಡಿದರೆ ಅಪಕರಿಸುವ ಕಾಲ
ಸಕಲವು ತಿಳಿದವಗೆ ದುರ್ಭಿಕ್ಷಕಾಲ
ಪತಿಸುತರು ಎಂಬವರ ನಂಬಲರಿಯದ ಕಾಲ
ಸಟೆಯಲ್ಲವಿದೆ ವಿಪರೀತ ಕಾಲ ||

ಧರ್ಮವ ಮಾಡುವಗೆ ನಿರ್ಮೂಲವಾಗುವ ಕಾಲ
ಕರ್ಮಿಪಾತಕರಿಗೆ ಬಹುಸೌಖ್ಯಕಾಲ
ನಿರ್ಮಲಾತ್ಮಕ ಸಿರಿಪುರಂದರವಿಠಲನ
ಮರ್ಮದೊಳು ಭಜಿಸಲರಿಯದ ಕಾಲವಯ್ಯ ||

Satyavantharigidu kaala illa
Dushtajanarige Subhikshakaala||

Harismarane Maaduvage Kshayavaguva Kaala
Parama Paapigalige Subhikshakaala
Sthiravaada Pativrateya Pararu Nindipa Kaala
Dharege Jaareyala Kondaaduva Kaala||1||

Upakaara Maadidare Apakarisuva Kaala
Sakalavu Tilidavage Durbhiksha Kaala
Patisutaru Embavara Nambalariyada Kaala
Sateyallavide Vipareeta Kaala||2||

Dharma Maaduvage Nirmulavaaguva Kaala
Karmeepaatakarige Bahu Saukhya Kaala
Nirmalatmaka Siripurandara Vittalana
Marmadolu Bhajisalariyada Kaalavayya||3||