Mosaru tandino ranga margava

ಮೊಸರು ತಂದಿನೊ ರಂಗಾ ಮಾರ್ಗವ ಬಿಡೊ
ಕಿಸರು ಹೊರಲಿ ಬೇಡ ಕಲಕೆ ಸಾರೊ                                  ।।ಪ॥

ಪಶುಗಾವಿ ನೀ ಎನ್ನ ಹೆಸರುಗೊಳಲಿಬೇಡ
ಹಸನಾದ ಮುತ್ತಿನ ಸರಗಳು ಹರಿದಾವೋ
ನಿಶೆಯ ವೇಳೆಯು ಅಲ್ಲಾ ನಿನಗೆ ಬುದ್ಧಿಯು ಸಲ್ಲಾ
ವಶಕರವಾಗುವಳೆ ಒಲವು ಇಲ್ಲದೆ                                      ।।೧।।

ಎದೆಯ ಮುಟ್ಟಲಿ ಬೇಡ ಎಳೆನಗೆ ನಗಲಿ ಬೇಡ
ಬದಿ ಬಗಲು ಪಿಡಿದು ನೋಡವರೆ ಹೀಗೆ
ಕದವ ಮುಚ್ಚಿಕೊಂಡು ಕಾಕು ಎಬ್ಬಿಸುವರೆ
ಸದನಕ್ಕೆ ಹೋಗಬೇಕು ಸರಸವೆಕೋ                                   ।।೨।।

ಹಿಂದೆ ಬಂದವರು ಏನೆಂದು ಒಲಿದರೊ ಕಾಣೆ
ಒಂದಿಷ್ಟು ಚೆಂದವಿಲ್ಲ ಚೆಲುವಿಕೆಯಿಲ್ಲಾ
ಕಂದರ್ಪಕೋಟಿ ತೇಜ ವಿಜಯವಿಠ್ಠಲ ಎನ್ನ
ಮಂದಿರಕೆ ಬಾರೊ ನಿನ್ನ ಮನಸು ದಣಿಸುವೆ                           ।।೩।।

Mosaru tandino ranga margava bido
Kisaru horali beda kalake saro ||pa||

Pasugavi ni enna hesarugolalibeda
Hasanada muttina saragalu haridavo
Niseya veleyu alla ninage buddhiyu salla
Vasakaravaguvale olavu illade ||1||

Edeya muttali beda elenage nagali beda
Badi bagalu pididu nodavare hige
Kadava muccikondu kaku ebbisuvare
Sadanakke hogabeku sarasaveko ||2||

Hinde bandavaru Enendu olidaro kane
Ondishtu chendavilla celuvikeyilla
Kandarpakoti teja vijayaviththala enna
Mandirake baro ninna manasu danisuve ||3||