Vrundavanadevi namo namo

ವೃಂದಾವನದೇವಿ ನಮೋ ನಮೋ, ಚೆಲ್ವ
ಮಂದರಧರನ ಮನಃಪ್ರಿಯಳೆ
ವೃಂದಾವನ ದೇವಿ ನಮೋ ನಮೋ ||ಪ||

ನಿನ್ನ ಸೇವಿಸಿ ಉದಕವನೆರೆಯಲು
ಮುನ್ನ ಮಾಡಿದ ಪಾಪ ಹೋಗುವುದು
ಎನ್ನ ಇಪ್ಪತ್ತೊಂದು ಕುಲದವರಿಗೆಲ್ಲ
ಉನ್ನಂತ ವೈಕುಂಠ ಪದವೀವಳೆ ||

ಒಂದೊಂದು ದಳದಲ್ಲಿ ಒಂದೊಂದು ಮೂರುತಿ
ಸಂದಣಿಸುವೆ ಬಹು ಗುಪಿತದಲಿ
ಬಂದು ಕುಂಕುಮ ಶಂಖಚಕ್ರ ಧರಿಸಿದರೆ
ತಂದೆ ನಾರಾಯಣ ಕರೆದೊಯ್ಯುವ ||

ಹರಿಗೆ ಸಮರ್ಪಿಸಿದ ತುಳಸಿ ನಿರ್ಮಾಲ್ಯವ
ಕೊರಳೊಳು ಧರಿಸಿ ಕರ್ಣದೊಳಿಟ್ಟರೆ
ದುರಿತ ರಾಶಿಗಳೆಲ್ಲ ಅಂಜಿ ಓಡುತಲಿವೆ
ಹರಿಯು ತನ್ನವರೆಂದು ಕೈ ಪಿಡಿವ ||

ಹತ್ತು ಪ್ರದಕ್ಷಿಣೆ ಹತ್ತು ವಂದನೆ ಮಾಡೆ
ಉತ್ತಮ ವೈಕುಂಠ ಪದವೀವಳೆ
ಭಕ್ತಿಯಿಂದಲೆ ಬಂದು ಕೈ ಮುಗಿದವರನ್ನು
ಕರ್ತುನಾರಾಯಣ ಕರೆದೊಯ್ವನು ||

ಆವಾವಪರಿಯಲ್ಲಿ ಸೇವೆಯ ಮಾಡಲು
ಪಾವನ ವೈಕುಂಠಪದವೀವಳೆ
ದೇವ ಶ್ರೀ ಪುರಂದರವಿಠಲರಾಯನ
ದೇವಿ ನಿನ್ನ ಮುಟ್ಟಿ ತ್ರಾಹಿಯೆಂಬೆ ||

Vrundavanadevi namo namo celva mandaradharana manahpriyale
vrundavanadevi namo namo ||pa.||

Ninna sevisi udakavanereyalu munna madida papa hoguvadu
inna ippattondu kuladavarigella unnata vaikuntha padavivale ||1||

Ondondu daladalli ondondu muruti samdanisuve bahu gupitadali
bandu kumkuma shankha cakra dharisidare tande narayana karedoyyuva ||2||

Harige samarpisida tulasi nirmalyava koralolu karnadolittare
durita rashigalella amji odutalire hariyu tannavaremdu kai pidiva ||3||

Hattu pradakshine hattu vandane made uttama vaikuntha padavivale
deva shri purandara vitthalarayana devi ninna mutti trahi embe ||4||