kesava madhava govinda

ಕೇಶವ ಮಾಧವ ಗೋವಿಂದ ವಿಠಲೆಂಬ
ದಾಸಯ್ಯ ಬಂದ ಕಾಣಿರೆ
ದೋಷರಹಿತ ನರವೇಷ ಧರಿಸಿದ
ದಾಸಯ್ಯ ಬಂದ ಕಾಣಿರೇ      ||ಪ||

ಖಳನು ವೇದವನೊಯ್ಯೆ ಪೊಳೆವಕಾಯನಾದ
ಘಳಿಲಾನೆ ಕೂರ್ಮ ತಾನಾಗಿ ಗಿರಿಯ ಪೊತ್ತ
ಇಳೆಯ ಕದ್ದಸುರನ ಕೋರೆದಾಡೀಲಿ ಕೊಂದ
ಛಲದಿ ಕಂಬದಿ ಬಂದು ಅಸುರನ ಕೊಂದ   ||೧||

ಲಲನೆಯನೊಯ್ಯೆ ತಾ ತಲೆಹತ್ತರನ ಕೊಂದ
ನೆಲಕೊತ್ತಿ ಕಂಸನ ಬಲವ ಸಂಹರಿಸಿದ
ಪುಂಡತನದಿ ಪೋಗಿ ಪುರವಾನುರಪಿ ಬಂದ
ಭಂಡರ ಸದೆಯಲು ತುರುಗವನೇರಿದ    ||೨||

ಹಿಂಡು ವೇದಗಳೆಲ್ಲ ಅರಸಿ ನೋಡಲು ಸಿಗದೆ
ದಾಸಯ್ಯ ಬಂದ ಕಾಣಿರೇ
ಪಾಂಡುರಂಗ ನಮ್ಮ ಪುರಂದರವಿಠಲ
ದಾಸಯ್ಯ ಬಂದ ಕಾಣಿರೇ      ||೩||

Kesava madhava govinda vithalemba
Dasayya banda kanire
Dosharahita naravesha dharisida
Dasayya banda kanire ||pa||

Kalanu vedavanoyye polevakayanada
Galilane kurma tanagi giriya potta
Ileya kaddasurana koredadili konda
Caladi kambadi bandu asurana konda ||1||

Lalaneyanoyye ta talehattarana konda
Nelakotti kamsana balava samharisida
Pundatanadi pogi puravanurapi banda
Bandara sadeyalu turugavanerida ||2||

Hindu vedagalella arasi nodalu sigade
Dasayya bamda kanire
Panduranga namma purandaravithala
Dasayya banda kanire ||3||