Nanda tanaya govindana

ನಂದ ತನಯ ಗೋವಿಂದನ ಭಜಿಪುದು ಆನಂದವಾದ ಮಿಠಾಯಿ   ||ಪ||

ಬಂಧಗಳನು ಭವ ರೋಗಗಳೆಲ್ಲನು ನಿಂದಿಪುದು ಈ ಮಿಠಾಯಿ      ||ಅ.ಪ||

ದಧಿ ಘೃತ ಕ್ಷೀರಂಗಳಿಗಿಂತಲೂ ಬಹು ಅಧಿಕವಾದ ಮಿಠಾಯಿ
ಕದಳೀ ದ್ರಾಕ್ಷಿ ಖರ್ಜೂರ ರಸಗಳನು ಮೀರುವುದು ಈ ಮಿಠಾಯಿ    ||೧||

ಪಂಚ ಭಕ್ಷ್ಯಂಗಳ ಷಡ್ರಸಾನ್ನಗಳ ಮಿಂಚಿದಂಥ ಮಿಠಾಯಿ
ಕಂಚೀಶನೆ ರಕ್ಷಿಸು ಎಂದುಸಿರುವರ ಅಂಜಿಕೆ ಬಿಡಿಪ ಮಿಠಾಯಿ       ||೨||

ಜಪ ತಪ ಸಾಧನಗಳಿಗಿಂತಲೂ ಬಹು ಅಪರೂಪದ ಮಿಠಾಯಿ
ಜಿಪುಣ ಮತಿಗಳಿಗೆ ಸಧ್ಯವಲ್ಲದಿಹ ಪುರಂದರ ವಿಠಲ ಮಿಠಾಯಿ      ||೩||

Nanda tanaya govindana Bajipudu anandavada mithayi ||pa||

Bandhagalanu Bava rogagalellanu nindipudu I mithayi ||a.pa||

Dadhi gruta kshirangaligimtalu bahu adhikavada mithayi
Kadali drakshi karjura rasagalanu miruvudu I mithayi ||1||

Pancha bakshyamgala shadrasannagala mimcidantha mithayi
Kancisane rakshisu emdusiruvara anjike bidipa mithayi ||2||

Japa tapa sadhanagaligimtalu bahu aparupada mithayi
Jipuna matigalige sadhyavalladiha purandara vithala mithayi ||3||