Baro namma manage raghavendra

ಬಾರೋ ನಮ್ಮ ಮನೆಗೆ ಶ್ರೀ ರಾಘವೇಂದ್ರ            || ಪ ||

ಬಾರೋ ದುಃಖಾಪಹಾರ – ಬಾರೋ ದುರಿತದೂರ
ಬಾರಯ್ಯ ಸನ್ಮಾರ್ಗ ದಾರಿ ತೋರುವ ಗುರು        || ಅ ||

ಬಾಲಪ್ರಹ್ಲಾದನಾಗಿ ಖೂಳ ಕಶ್ಯಪುವಿಗೆ
ಲೋಲ ಶ್ರೀ ನರಹರಿ ಕಾಲರೂಪವ ತೋರ್ದೆ            || ೧ ||

ವ್ಯಾಸನಿರ್ಮಿತ ಗ್ರಂಥ – ಮಧ್ವಕೃತ ಭಾಷ್ಯವ
ಬೇಸರದೆ ಓದಿ ಮೆರೆವ ವ್ಯಾಸಮುನಿಯೆ        || ೨ ||

ಮಂತ್ರಗೃಹದಲಿ ನಿಂತ ಸುಯತಿವರ್ಯ
ಅಂತ ತಿಳಿಯದೊ ನೀ ಅಂತರದೊಳು                || ೩ ||

ಭೂತಪ್ರೇತಗಳನು ಘಾತಿಸಿ ಬಿಡುವಂಥ
ಖ್ಯಾತಿಯುತ ಯತಿನಾಥನೆ ತುತಿಸುವೆ        || ೪ ||

ಕುಷ್ಟರೋಗಾದಿಗಳು ನಷ್ಟ ಮಾಡುವಂಥ
ಅಷ್ಟಮಹಿಮೆಯುತ ಶ್ರೇಷ್ಠಮುನಿಯೆ                || ೫ ||

ಕರೆದರೆ ಬರುವಿಯೆಂಬೋ ಕೀರುತಿ ಕೇಳಿ ನಾ
ಕರೆದೆನೊ ಕರುಣದಿ ಕರ ಪಿಡಿಯೋ            || ೬ ||

ಭಕ್ತವತ್ಸಲನೆಂಬ ಬಿರುದಿನಿಂದಾದರಾ
ಸಕ್ತನ ಮೊರೆ ಕೇಳಿ ಮಧ್ವೇಶವಿಠ್ಠಲದಾಸ            || ೭ ||

Baro namma manege sriragavendra ||

Baru duhkapahara baro duritadura
barayya sanmarga dari toruva guruve ||

Bala prahladanagi kula kasyapuvige
lola srinarahariya kalarupava torde ||1 ||

Vyasanirmita grantha madhvakruta bashyava
besarade Odi mereva vyasamuniye || 2 ||

Mantragruhadalininta suyativarya
anta tiliyado ni antaradolu || 3 ||

Buta pretagalanu gatisi biduvantha
kyatiyuta yatinathane tutisuve || 4 ||

Kushtarogadigala nashta maduvantha
ashtamahimeyuta sreshtha muniye || 5 ||

Karedare baruviyembo kiruti keli na
karedeno karunadi karava pidiyo || 6 ||
Baktavatsalanemba birudu nindadare
saktana more keli madhvesa vithaladasa || 7 ||