Ganga · MADHWA · Vijaya dasaru

ಗಂಗಾವತರಣ – Gangavatarana

ಶೋಭಾನವೆನ್ನಿರೆ ಸ್ವರ್ಗಾರೋಹಿಣಿಗೆ ।
ಶೋಭಾನವೆನ್ನಿ ಶುಭವೆನ್ನಿ ॥ ಪ ॥

ಹರಿಪಾದ ನಖದಿಂದ ಬ್ರಹ್ಮಾಂಡವ ಶೀಳಲು ।
ಭರದಿಂದ ಇಳಿದು ಸತ್ಯಲೋಕ ॥
ಭರದಿಂದ ಇಳಿದು ಸತ್ಯಲೋಕಕೆ ಬಂದ ।
ವಿರಜೆಗಾರುತಿಯ ಬೆಳಗಿರೇ ॥ 1 ॥

ಸರಸಿಜಾಸನನಂದು ಹರಿಪಾದ ತೊಳೆಯಲು ।
ಸರಸ ಸದ್ಗುಣದಿ ಸುರಲೋಕ ॥
ಸರಸ ಸದ್ಗುಣದಿ ಸುರಲೋಕಕೈದಿದ ।
ಸ್ವರ್ಣೆಗಾರುತಿಯ ಬೆಳಗಿರೇ ॥ 2 ॥

ಇಂದ್ರಲೋಕವ ಸಾರಿ ಧ್ರುವನ ಮಂಡಲಕಿಳಿದು ।
ಚಂದದಿಂದಲಿ ಮೇರುಗಿರಿಗೆ ॥
ಚಂದದಿಂದಲಿ ಮೇರುಗಿರಿಗೆ ಬಂದ ।
ಸಿಂಧುವಿಗಾರುತಿಯ ಬೆಳಗಿರೇ ॥ 3 ॥

ಶತಕೋಟಿ ಎಂತೆಂಬ ಅಜನ ಮಂದಿರ ಪೊಕ್ಕು ।
ಚತುರ್ಭಾಗವಾಗಿ ಕರೆಸಿದ ॥
ಚತುರ್ಭಾಗವಾಗಿ ಕರೆಸಿದ ಶ್ರೀ ಭೋಗಾ – ।
ವತಿಗಾರುತಿಯ ಬೆಳಗಿರೇ ॥ 4 ॥

ಇಂದ್ರ ದಿಕ್ಕಿಗೆ ಸಿತಾ ಚಕ್ಷು ಪಶ್ಚಿಮ ದಿಕ್ಕು ।
ಚಂದ್ರ ಯಮ ದಿಕ್ಕಿಗೆ ಭದ್ರಾದೇವಿ ॥
ಚಂದ್ರ ಯಮ ದಿಕ್ಕಿಗೆ ಭದ್ರಾದೇವಿ ಅಳಕ – ।
ನಂದನಿಗಾರುತಿಯ ಬೆಳಗಿರೇ ॥ 5 ॥

ಕುಂದ ಮಂದರೆ ಇಳಿದು ಗಂಧಮಾದನಗಿರಿಗೆ ।
ಹಿಂಗದೆ ಪುಟಿದು ವಾರಿನಿಧಿಯ ॥
ಹಿಂಗದೆ ಪುಟಿದು ವಾರಿನಿಧಿಯ ನೆರದ ।
ಗಂಗೆಗಾರುತಿಯ ಬೆಳಗಿರೇ ॥ 6 ॥

ಗಿರಿಜ ಸುಪಾರ್ಶ್ವಕೆ ಧುಮುಕಿ ಮಾಲ್ಯವಂತಕೆ ಜಿಗಿದು ।
ಪರಿದಂಬುಧಿಯ ಕೂಡಿ ಮೆರದೆ ॥
ಪರಿದಂಬುಧಿಯ ಕೂಡಿ ಮೆರದಾ ।
ತ್ರಿದಶೇಶ್ವರಿಗಾರುತಿ ಬೆಳಗಿರೇ ॥ 7 ॥

ಕುಮುದಾದ್ರಿಗೆ ಇಳಿದು ನಳ ಶತಶೃಂಗ ।
ಕ್ಷಮಧಾರಿಗಳಿಗೆ ಹಾರಿ ವನಧಿ ॥
ಕ್ಷಮಧಾರಿಗಳಿಗೆ ಹಾರಿ ವನಧಿ ಕೂಡಿದಾ ।
ಸುಮತಿಗಾರುತಿಯ ಬೆಳಗಿರೇ ॥ 8 ॥

ಮೇರು ಮಂದರಕಿಳಿದು ನಿಷಿಧ ಕಾಂಚನಕೂಟ ।
ಮೀರಿ ಹಿಮಗಿರಿಗೆ ಹಾರಿ ಬದರಿಗೆ ॥
ಮೀರಿ ಹಿಮಗಿರಿಗೆ ಹಾರಿ ಬದರಿಗೆ ಬಂದಾ ।
ನಾರಿಗಾರುತಿಯ ಬೆಳಗಿರೇ ॥ 9 ॥

ಕ್ಷಿತಿಪ ಭಗೀರಥನಂದು ತಪವ ಮಾಡಲು ನಲಿದು ।
ಅತಿಶಯವಾಗಿ ಧರೆಗಿಳಿದು ॥
ಅತಿಶಯವಾಗಿ ಧರೆಗಳಿದು ಬಂದಾ ಭಾಗೀ – ।
ರಥಿಗಾರುತಿಯ ಬೆಳಗಿರೇ ॥ 10 ॥

ಮುನಿಜನ್ಹು ಮುದದಿಂದ ಆಪೋಶನವ ಮಾಡೆ ।
ಜನನಿ ಜಾನ್ಹವಿ ಎನಿಸಿದ ॥
ಜನನಿ ಜಾನ್ಹವಿ ಎನಿಸಿದಾ ಮೂಜಗದ ।
ಜನನಿಗಾರುತಿಯ ಬೆಳಗಿರೇ ॥ 11 ॥

ವಿಷ್ಣು ಪ್ರಜಾಪತಿ ಕ್ಷೇತ್ರದಲ್ಲಿ ನಿಂದು ।
ಇಷ್ಟಾರ್ಥ ನಮಗೆ ಕೊಡುವಳು ॥
ಇಷ್ಟಾರ್ಥ ನಮಗೆ ಕೊಡುವಳು ಸತತ ಸಂ – ।
ತುಷ್ಟಿಗಾರುತಿಯ ಬೆಳಗಿರೇ ॥ 12 ॥

ಕ್ರಮದಿಂದ ಬಂದು ನಲಿವುತ ಸರಸ್ವತಿ ।
ಯಮುನೇರ ನೆರೆದು ತ್ರಿವೇಣಿ ॥
ಯಮುನೇರ ನೆರೆದು ತ್ರಿವೇಣಿ ಎನಿಸಿದ ।
ವಿಮಲೆಗಾರುತಿಯ ಬೆಳಗಿರೇ ॥ 13 ॥

ಸತ್ವರಜೋತಮ ತ್ರಿವಿಧ ಜೀವರು ಬರಲು ।
ಅತ್ಯಂತವಾಗಿ ಅವರವರ ॥
ಅತ್ಯಂತವಾಗಿ ಅವರವರ ಗತಿ ಕೊಡುವ ।
ಮಿತ್ರೆರಿಗಾರುತಿಯ ಬೆಳಗಿರೇ ॥ 14 ॥

ಪತಿಯ ಸಂಗತಿಯಿಂದ ನಡೆತಂದು ಭಕುತಿಯಲಿ ।
ಸತಿಯಲ್ಲಿ ವೇಣಿ ಕೊಡಲಾಗಿ ॥
ಸತಿಯಲ್ಲಿ ವೇಣಿ ಕೊಡಲಾಗಿ ಕಾವ ಮಹಾ – ।
ಪತಿವ್ರತೆಗಾರುತಿಯ ಬೆಳಗಿರೇ ॥ 15 ॥

ವೇಣಿಯ ಕೊಟ್ಟಂಥ ನಾರಿಯ ಭಾಗ್ಯವು ।
ಏನೆಂಬೆನಯ್ಯ ಪಡಿಗಾಣೆ ॥
ಏನೆಂಬೆನಯ್ಯಾ ಪಡಿಗಾಣೆ ಸುಖವೀವ ಕ – ।
ಲ್ಯಾಣಿಗಾರುತಿಯ ಬೆಳಗಿರೇ ॥ 16 ॥

ಒಂದು ಜನ್ಮದಲಿ ವೇಣಿಯಿತ್ತವಳಿಗೆ ।
ಎಂದೆಂದು ಬಿಡದೆ ಐದೆತನವ ॥
ಎಂದೆಂದು ಬಿಡದೆ ಐದೆತನವೀವ ಸುಖ – ।
ಸಾಂದ್ರೆಗಾರುತಿಯ ಬೆಳಗಿರೇ ॥ 17 ॥

ವಾಚಾಮಗೋಚರ ವರುಣನರ್ಧಾಂಗಿನಿ
ಪ್ರಾಚೀನ ಕರ್ಮಾವಳಿಹಾರಿ ॥
ಪ್ರಾಚೀನ ಕರ್ಮಾವಳಿಹಾರಿ ಮಕರ – ।
ವಾಚಾಳಿಗಾರುತಿಯ ಬೆಳಗಿರೇ ॥ 18 ॥

ಅಂತರ ಬಾಹಿರ ಪಾಪ ಅನೇಕವಾಗಿರೆ
ಸಂತೋಷದಿಂದ ಭಜಿಸಲು ॥
ಸಂತೋಷದಿಂದಲಿ ಭಜಿಸಲು ಪೊರೆವ ಮಹ – ।
ಕಾಂತೆಗಾರುತಿಯ ಬೆಳಗಿರೇ ॥ 19 ॥

ಗುರುಭಕುತಿ ತರತಮ್ಯ ಇಹಪರದಲ್ಲಿ ತಿಳಿದು ।
ಹರಿಪರನೆಂದು ಪೊಗಳುವ ॥
ಹರಿಪರನೆಂದು ಪೊಗಳುವರ ಪೊರೆವ ।
ಕರುಣಿಗಾರುತಿಯ ಬೆಳಗಿರೇ ॥ 20 ॥

ಜಗದೊಳು ಪ್ರಯಾಗ ಕ್ಷೇತ್ರದಲ್ಲಿ ನಿಂತು ।
ಬಗೆಬಗೆ ಶುಭವ ಕೊಡುವಳು ॥
ಬಗೆಬಗೆ ಶುಭವ ಕೊಡುವ ವಿಜಯವಿಠ್ಠಲನ ।
ಮಗಳಿಗಾರುತಿಯ ಬೆಳಗಿರೇ ಶೋಭಾನೆ ॥ 21 ॥

SOBAnavennire svargArOhiNige |
SOBAnavenni SuBavenni ||pa||
haripAda naKadiMda brahmAMDava SILalu |
BaradiMda iLidu satyalOka ||
BaradiMda iLidu satyalOkake baMda |
virajegArutiya beLagirE ||1||
sarasijAsana namma haripAda toLiyalu |
sarasa sadguNa suralOka |
sarasa sadguNadi suralOkakaididA |
svarNegArutiya beLagirE ||2||
iMdralOkava sAri dhruvana maMDalakiLidu |
caMdadiMdali mErugirige |
caMdadiMdali mErugirige baMdA |
siMdhuvigArutiya beLagirE ||3||
SatakOTi eMteMba ajana maMdira pokku |
caturBAgavAgi karesida |
caturBAgavAgi karesida SrI BOga |
vatigArutiya beLagirE||4||
iMdra dikkige sitA cakShu paScima dikku |
caMdra yama dikkige BadradEvi |
caMdra yama dikkige BadradEvi aLaka |
naMdinigArutiya beLagirE ||5||
kuMda maMdare iLidu gaMdha mAdanagirige |
hiMgade puTidu vArinidhiya |
hiMgade puTidu vArinidhiya nerada |
gaMgegArutiya beLagirE ||6||
girije sUpAraSvake dhumuki mAlyavaMtake jigidu |
paridaMbudhiya kUDi meradu |
paridaMbudhiya kUDi meradA |
tridaSESvarigAruti beLagirE||7||
kumudAdrige iLidu nalA Sata SRuMga |
vanadhi |
vanadhi kUDidA |
sumatigArutiya beLagirE ||8||
mEru maMdarakiLidu niShidha kAMcana kUTa |
mIri himagirige hAri badarige |
mIri himagirige hAri badarige baMdA |
nArigArutiya beLagirE ||9||
kShitipa BagIrathanaMdu tapava olidu|
atiSayavAgi dharegiLidu |
atiSayavAgi dharegaLidu baMdA |
BAgIrathigArutiya beLagirE||10||
muni janhu mudadiMda ApOSanava mADe |
janani jAnhavi enisidA|
janani jAnhavi enisidA mUjagada |
jananigArutiya beLagirE ||11||
viShNu prajApati klEtradalli niMdu |
iShTArtha namage koDuvaLu satata |
iShTArtha namage koDuvaLu satata saM |
tuShTigArutiya beLagirE ||12||
kramadiMda baMdu nalivuta sarasvati |
yamunEra neredu trivENi |
yamunEra neredu trivENi enisidA |
vimalegAruti beLagirE||13||
trividha jIvaru baralu |
atyaMtavAgi avaravara |
atyaMtavAgi avaravara gati koDuva |
mitregAruti beLagirE ||14||
patiya saMgatiyiMda naDetaMdu Bakutili |
satiyalli vENikoDalAgi |
satiyalli vENi koDalAgi kAva mahA |
pratigAruti beLagirE 1||5||
vENiya koTTaMtha nAriya BAgyavu |
paDigANe |
paDigANe suKavIva |
kalyANigArutiya beLagirE ||16||
oMdu janmadali vENiyittavaLige |
eMdeMdu biDade aidetanava |
eMdeMdu biDade aidetanavIva suKa |
sAMdregArutiya beLagirE ||17||
vAcAmagOcare varuNanardhAMgini |
prAcIna karmAvaLi hAri |
makara |
vAcaLigArutiya beLagirE ||18||
aMtara bAhira pApa anEkavAgire |
saMtOShadiMdali Bajisalu |
saMtOShadiMdali Bajisalu poreva mahA |
kAMtegArutiya beLagirE ||19||
guruBakuti tAratamya ihaparadalli tiLidu |
hari paraneMdu pogaLuvara |
hari paraneMdu pogaLuvara poreva |
karuNigArutiya beLagirE||20||
jagadoLu prayAga kShEtradalli niMdu |
bage bage SuBava koDuvaLu |
bage bageya SuBava koDuva vijayaviThThalana |
magaLigArutiya beLagirE SOBAne ||21||

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s