ರಾಗ:ಅಭೇರಿ
ಧ್ರುವತಾಳ
ದಕ್ಷಿಣ ವಾರಣಾಸಿ ಕ್ಷೇತ್ರವೆನಿಸುವದು |
ಯಕ್ಷೇಶನಾಪ್ತ ಇಲ್ಲಿ ವಾಸವಯ್ಯಾ |
ಅಕ್ಷರ ಒಂದು ನುಡಿವ ಹೊತ್ತು ಮನುಜಾ ಬಂದು |
ಈ ಕ್ಷೇತ್ರದಲ್ಲಿ ಇದ್ದ ಫಲಕೆ ಇಲ್ಲಿ |
ನೀಕ್ಷಿಸಿ ನೋಡಲು ಎಣಿಸಲಿನ್ನಾರಳವೆ |
ನಿಕ್ಷೇಪವೆನ್ನಿಸದಾ ವಂಶಾವಳಿಗೇ |
ನಕ್ಷತ್ರ ಮಳಲು ಮಳಿಯ ಹನಿಕಡಲ ತೆರೆ |
ವೃಕ್ಷ ಜಾತಿಗಳೆಲೆ ಎಣಿಸಬಹುದು |
ಲಕ್ಷಣವುಳ್ಳ ಪುಣ್ಯಗಣನೆ ಮಾಡುವರಾರು |
ಅಕ್ಷಯವಾಗುತಿಪ್ಪದು ದಿನದಿನಕೇ |
ಕುಕ್ಷಿಗೋಸುಗ ಇಲ್ಲಿ ಬಹುಕಾಲವಿದ್ದರೂ |
ಮೋಕ್ಷಸಾಧನವಲ್ಲ ದುರುಳರಿಗೆ |
ದಕ್ಷಿಣಾಧೀಶ ಈ ಪರಿ ಇದ್ದವರವೈದು |
ಶಿಕ್ಷಿಸುವನು ಜನುಮಜನುಮದಲ್ಲಿ |
ಚಕ್ಷುಶ್ರವಣಶಾಯಿ ವಿಜಯವಿಠಲನಂಘ್ರಿ |
ರಕ್ಷೆಯಿಂದ ದಾಸನ್ನ ರಕ್ಷಿಸುವ ಉಮೇಶ 1
ಮಟ್ಟತಾಳ
ಒಂದು ದಿವಸ ಮುಕುಂದನು ತನ್ನಯ |
ಮಂದಗಮನೆ ಸಹಿತಾನಂದದಲ್ಲಿ ಖಗೇಂದ್ರವಾಹನನಾಗಿ |
ಬಂದನು ಸಕಲ ವಸುಂಧರೆ ಚರಿಸುತಲಿ |
ಅಂದವಾದೀ ಧರೆಯ ಅಂದು ನೋಡಿದನಲ |
ವಿಂದ ಶಿರಿಯೊಡನೆ ನಿಂದನು ಕರಕಮಲ |
ದಿಂದ ಗುಲಗುಂಜಿ ಒಂದು ಪಿಡಿದು ಕಾಶಿ |
ಗಿಂದಧಿಕ ಫಲವುತಂದುಕೊಡುವೆನೆನುತ |
ನಂದನಗೊಲಿದ ಶ್ರೀ ವಿಜಯವಿಠಲ ಮಾಧವ |
ನೆಂದೆಂಬೋ ನಾಮದಲಿ ಇಂದ್ರಾದ್ಯರು ಪೊಗಳೆ 2
ರೂಪಕತಾಳ
ಶ್ರೀ ತರುಣೇಶನು ವಿನಯದಿಂದಲೀ ಬಂದೀ |
ಭೂತಳದಲಿ ನಿಂದ ವಾರ್ತಿಯನ್ನು |
ಭೂತಾಧಿಪನು ನಾರದನಿಂದಲಿ ಕೇಳಿ |
ಕೌತುಕವಹುದೆಂದು ತಲೆಯದೂಗಿ |
ಕಾತುರದಲಿ ಹರಿಯಸೇವೆ ಮುಟ್ಟಿಪೆನೆಂದು |
ಪಾತಾಳೇಶ್ವರನಾಗಿ ಇಲ್ಲಿನಿಂದ |
ಈ ತೆರದಲಿ ಇತ್ತಲಿರುತಿರೆ ಆಪರ್ನಾ |
ಭೂತಳಗೋಸುಗ ಹರಿ ವರಹನಾಗೇ |
ಆತನಾ ದಾಡಿಂದ ಬಂದ ತುಂಗೆ ಇರಲು |
ಆ ತೀರದಲಿ ಪೋಪನಾಮದಿಂದ |
ತಾ ತಪವನೆ ಮಾಡತೊಡಗಲಾಕ್ಷಣ ಅತ್ತ |
ಜಾತವೇದಸನೇತ್ರ ಪ್ರತಿರೂಪದೀ |
ಚಾತುರ್ಯದಲಿ ಬಲು ಬ್ಯಾಟಿಮಾರ್ಗದಲಿ |
ಕಿರಾತನಂದದಿ ಬಂದ ಹಂಪನೆನಿಸೀ |
ಗೋತುರ ಜಾತಿಯ ಕಂಡು ಮಾನವನಂತೆ |
ಸೋತು ನೀನಾರೆಂದು ಮಾತಾಡಿಸೇ |
ನೀತವಲ್ಲೆಂದು ಆ ಪಂಪನಾಮಕ ಗಿರಿಜೆ |
ಭೀತಿ ತೋರಿದಳು ಅನ್ಯರೋಪಾದಿಲಿ |
ಯಾತಕೆ ಸಂಶಯ ಎನ್ನಲ್ಲಿವುಳ್ಳ ಮಹ |
ಭೂತಿ ನಿನ್ನದು ಎಂದು ಸತಿಯಾಮದನಾ |
ರಾತಿ ಒಡಂಬಡಿಸಿ ಪಾಣಿಗ್ರಹಣವ ಮಾಡೆ |
ಭೂತ ಪ್ರಮಥಗಣ ಪೊಗಳುತಿರೆ |
ಜೋತಿರ್ಮಯಾರೂಪ ವಿಜಯವಿಠಲರೇಯನ |
ಮಾತು ಮಾತಿಗೆ ನೆನಿಸಿ ಪುಳಕೋತ್ಸದಲ್ಲಿದೆ 3
ಝಂಪೆತಾಳ
ಹರಿಯ ನಿರೂಪದಲ್ಲಿ ಪರಮೇಷ್ಟಿಸುರನಿಕರ |
ಪರಮ ಹರುಷದಲಿ ನಿಂದಿರದೆ ಬಂದು |
ನೆರೆದು ಸಕಲರು ವೇದ ಹಿರಿದು ಮಂತ್ರಗಳಿಂದ |
ಚಿರವಕ್ಕುಮಾಮಹೇಶ್ವರಗೆ ಕಾಶಿಯ ದಳಿದು [?]
ಮೊರಗಿದವು ಭೇರಿ ಅಬ್ಬರಿಸಿ ನಾನಾ ವಾದ್ಯ |
ಸುರರು ಕುಸುಮ ವರುಷ ಗರಿಯೆ ಮಹೋತ್ಸಹ ದಲ್ಲಿ |
ಕರಿಸಿಕೊಂಡನು ಪುರಹರನಂದಿನಾರಭ್ಯ |
ವರ ಪೊಂಪಾರಮಣ ಪೆಸರಿನಿಂದಲಿ |
ಮೆರೆದುದೀಭೂಮಿ ವಿಸ್ತರದಿಂದ ಪೊಂಪಾಕ್ಷೇ |
ತುರು ಆದಿಯುಗವಿಡಿದು ಕರಿಸಿತಿದೆಕೊ |
ಸರಿ ಇಲ್ಲವೆಂದಿದರ ಅರಿದು ಶಂಖಶಕಟ |
ಶರಭ ಮಾರ್ಕಾಂಡೇಯ ದೇವರತಿ ಕಪಿಲಾ |
ಪರಿ ಪರಿ ಮುನಿಗಳು ಪರಮ ಸಮಾಧಿಯಲಿ |
ಹರಿಹರರ ಪೂಜಿಸಿದರು ಗುಣಗಳ ತಿಳಿದು |
ಸುರಪಾಲ ವಿಜಯವಿಠಲನೆ ಸರ್ವೊತ್ತಮಾ |
ಅರಿದವಗೆ ಕೈವಲ್ಯ ಸರಿಸದಲೆ ಉಂಟು 4
ತ್ರಿವಿಡಿ ತಾಳ
ಪಿತ ಮಹದೇವನು ಅತಿಶಯದಲಿ ಇಲ್ಲಿ |
ಕೃತವ ಮಾಡಿದನು ಅಮಿತಬಗೆಯಲ್ಲಿ |
ಕ್ಷಿತಿಯೊಳಿ ಐವರು ಪರ್ವತದೆಡೆಯಲಿ ರಚಿಸಿ |
ಚತುರಾಸ್ಯ ಪೋಗೆ ಕಾಲತೀತವಾಗಲು ಬಹು |
ಕ್ಷಿತಿ ಪರಾಳಿದರು ಉನ್ನಲೀಲೆಯಲ್ಲಿ ಅವರು |
ಗತವಾದ ತರುವಾಯ ಶತ ಮೋದನಂದನನು |
ಪ್ರತಿವಿಲ್ಲವೆನಿಸಿ ಸುಪುತದ್ವೀಪದೊಳು ಮೆರಿಯೆ |
ದಿತಿಸುತ ನಿಂದರ್ಕಸುತರೊಡನೆ ವಾಲಿ |
ಹಿತತಪ್ಪಿ ನಡೆದು ದುರ್ಮತಿಯಲ್ಲಿ ಸಂಚರಿಸೆ |
ಪತಿತರಾವಣ ವಿಬುಧತತಿಗಳಟ್ಟಲು ಅವರ |
ಸ್ತುತಿಗೆ ಪುಟ್ಟಿದ ಸಿರಿಪತಿ ದಶರಥನಲ್ಲಿ |
ಚತುರ ಮಾರುತ ತನ್ನ ಪತಿಸೇವೆ ಗೋಸುಗ |
ಸುತನಾದಂಜನಿಗೆ ಸಂಗತಿಯೆಲ್ಲ ತಿಳಿದು |
ಸತಿಪೋದ ವ್ಯಾಜದಲಿ ಕ್ಷಿತಿಪನಲ್ಲಿಗೆ ಬರಲು |
ನತವಾಗಿ ಭಾಸ್ಕರನಾ ಸುತನ ನೆರಹೆ ವಾಲಿಯ |
ಹತವಮಾಡಿ ರಘುಪತಿ ಇಲ್ಲಿ ಮೆರೆದ ಪ |
ರ್ವತ ಮೂಲ್ಯವಂತದಲ್ಲಿ ವ್ರತತೊಟ್ಟ ನರನಂತೆ |
ನುತಿಸಿ ವರವಬೇಡಿ ಮತಿ ತಾರ ತಮ್ಯದಲಿ |
ಮತವನ್ನೆ ಬಿಡದೆ ಶಾಶ್ವತ ಫಲವನುದಿನ |
ಯತಿಗಳ ಮನೋಹರ ವಿಜಯವಿಠಲ ಹರಿಯ |
ಕೃತದ್ವಂಶಿ ತನ್ನೊಳಗೆ ಪ್ರತಿಕಾಲ ಜಪಿಸುವ 5
ಅಟ್ಟತಾಳ
ಮನುಮಥ ಕೊಂಡು ವಶಿಷ್ಟ ಲೋಕ ಪಾ |
ವನೆ ಅಗಸ್ತ್ಯ ತೀರ್ಥ ಪೊಂಪಾಸಾಗರ ಸೀತಾ |
ಋಣ ಮೋಚನ ತೀರ್ಥಪೊಳೆವುದು ಸುದರು |
ಶನ ತೀರ್ಥಕೋಟಿ ಕಪಿಲತೀರ್ಥ ಮಾರ್ಕಾಂಡೇಯಾ |
ಮುನಿತೀರ್ಥ ನಾನಾ ತೀರ್ಥಂಗಳು ಇಲ್ಲಿ ಉಂಟು |
ಅನುಮಾನ ಬಿಡಿ ಸಾಧನ ಮಾನವರೆಲ್ಲ |
ಮನಶುಚಿಯಾಗಿ ನಾನು ನೀನೆಂಬ ಮಾ |
ತನು ಪೇಳಲಾಗದು ಹಣ ಮಣ್ಣು ಒಂದೆ ಯಾದರೆ ಅಂಗಡಿ[ಗ]ಮ |
ಣ್ಣನ್ನು ಕೊಟ್ಟು ಉದರಕೆ ತರಬಾರದೇ ಧಾನ್ಯ |
ನಿನಗೆ ಅವಗೆ ಭೇದಾ ಇಲ್ಲವಾದರೆ ನಿನ್ನಾ |
ವನಿತೆಯಾ ಮತ್ತೊಬ್ಬ ಹಿಡಿದು ವೈದರೇನು |
ಗುಣ ಪರಿಪೂರ್ಣವ ಬೊಮ್ಮಗೆ ಪೇಳಿನಿ |
ರ್ಗುಣನೆಂದು ನುಡಿವುದು ಅಪಸಿದ್ಧಾಂತವು |
ಜನನಿಯ ಬಳಿಯಲ್ಲಿ ಗರ್ತಿಯೆಂದು ಪೇಳಿ |
ಜನರ ಮುಂದೆ ಹಾದರಗಿತ್ತಿ ಎಂದಂತೆ |
ಗುಣವುಂಟು ಗುಣವಿಲ್ಲಾವೆಂದು ಯಮನ ಯಾ |
ತನೆಯಿಂದ ಬಹುಕ್ಷೇಶವನು ಬಡುವದು ಸಲ್ಲಾ |
ಕನಸು ಎಂದರೆ ಇದು ಮನಕೆ ತಾರ ಕಾಂಣ್ಯಾ |
ಕಣಿ ತಂದು ಬಿತ್ತಲು ಜನಿಸುವದೆ ಸಸಿ |
ಬಿನಗು ಮಾರ್ಗವ ಬಿಟ್ಟು ಗುಣವಂತ ನಾಗಿ ಭ |
ಜನೆ ಮಾಡು ಸರ್ವತೀರ್ಥವನೆ ಮಿಂದು ವಟತರು |
ವಿನಲಿ ಗೋತ್ರ ಏಳನು ಉದ್ಧರಿಪದು |
ಅನಲಾಕ್ಷಗೆ ಬಂದನು ತಂದು ಅಭಿಷೇಕ |
ವನೆ ಮಾಡಲವನೆ ಧನ್ಯನುಕಾಣೊ ಜಗದೊಳು |
ಎಣಿಸಲು ಸುತ್ತಯೋಜನ ಕ್ಷೇತ್ರವೆನ್ನಿ |
ಹನುಮವಂದಿತ ನಮ್ಮ ವಿಜಯವಿಠಲನ ಶ |
ರಣಗಲ್ಲದೆ ಪುಣ್ಯ ಭಣಗುಗಳಿಗುಂಟೆ 6
ಆದಿತಾಳ
ನರಗೊಂದು ಸೌರಿ ಇಹಪರದಲ್ಲಿ ಹರಿಗೆ ಕೆಂ |
ಕರನೆನಿಸಿ ಕೊಂಡವ ಹರಿದು ಇಲ್ಲಿಗೆ ಬಂದು |
ಗಿರಿಸುತ ರಮಣನ್ನ ದರುಶನವನು ಮಾಡಿ |
ಕರಣ ಶುದ್ಧಿಯಲ್ಲಿ ಸ್ತೋತ್ತರಗೈದು ಮತಿಯಲ್ಲಿ |
ವರ ಪೊಂಪಾಕ್ಷೇತ್ರದ ಅರಸು ಗುಲಗಂಜಿ |
ಧರ ಮಾಧವಂಗೆ ನೀರೆರದು ಸಮರ್ಪಿಸೆ |
ಕೊರತೆಯಾಗದಂತೆ ಪರಿಪೂರ್ಣವನು ಮಾಡಿ |
ಪೊರೆವನು ಯಾತ್ರಿಯ ಚರಿಸದೆ ಮಾನವನು |
ಹರನು ಪರಮ ಲೌಕಿಕ ಗುರುವೆಂಬೋದೆ ಸಿದ್ಧಾ |
ಅರಿತವಂಗೆ ಮನಸ್ಥಿರವಾಗಿ ನಿಲ್ಲಿಸುವ |
ಧರೆಯೊಳಗಿದು ಭಾಸ್ಕರ ಕ್ಷೇತ್ರ ವೆನಿಸೋದು |
ಸುರರು ಇಲ್ಲಿ ಪ್ಪರು ವಾಸರ ಒಂದು ಬಿಡದಲೆ |
ಪರಮ ಪುರುಷ ನಮ್ಮ ವಿಜಯವಿಠಲ ಹರಿಯ |
ಸ್ಮರಣೆ ಮಾಡುತ ಈ ಕ್ಷೇತುರ ಮಹಿಮೆ ತಿಳಿವುದು 7
ಜತೆ
ಜನುಮದೊಳಗೆ ಒಮ್ಮೆ ಪಂಪಾಕ್ಷೇತ್ರದ ಯಾತ್ರಿ |
ಮನಮೆಚ್ಚಿ ಚರಿಸಲು ವಿಜಯವಿಠಲ ಒಲಿವಾ 8
Rāga:Abhēri
dhruvatāḷa
dakṣiṇa vāraṇāsi kṣētravenisuvadu |
yakṣēśanāpta illi vāsavayyā |
akṣara ondu nuḍiva hottu manujā bandu |
ī kṣētradalli idda phalake illi |
nīkṣisi nōḍalu eṇisalinnāraḷave |
nikṣēpavennisadā vanśāvaḷigē |
nakṣatra maḷalu maḷiya hanikaḍala tere |
vr̥kṣa jātigaḷele eṇisabahudu |
lakṣaṇavuḷḷa puṇyagaṇane māḍuvarāru |
akṣayavāgutippadu dinadinakē |
kukṣigōsuga illi bahukālaviddarū |
mōkṣasādhanavalla duruḷarige |
dakṣiṇādhīśa ī pari iddavaravaidu |
śikṣisuvanu janumajanumadalli |
cakṣuśravaṇaśāyi vijayaviṭhalanaṅghri |
rakṣeyinda dāsanna rakṣisuva umēśa 1
maṭṭatāḷa
ondu divasa mukundanu tannaya |
mandagamane sahitānandadalli khagēndravāhananāgi |
bandanu sakala vasundhare carisutali |
andavādī dhareya andu nōḍidanala |
vinda śiriyoḍane nindanu karakamala |
dinda gulagun̄ji ondu piḍidu kāśi |
gindadhika phalavutandukoḍuvenenuta |
nandanagolida śrī vijayaviṭhala mādhava |
nendembō nāmadali indrādyaru pogaḷe 2
rūpakatāḷa
śrī taruṇēśanu vinayadindalī bandī |
bhūtaḷadali ninda vārtiyannu |
bhūtādhipanu nāradanindali kēḷi |
kautukavahudendu taleyadūgi |
kāturadali hariyasēve muṭṭipenendu |
pātāḷēśvaranāgi illininda |
ī teradali ittalirutire āparnā |
bhūtaḷagōsuga hari varahanāgē |
ātanā dāḍinda banda tuṅge iralu |
ā tīradali pōpanāmadinda |
tā tapavane māḍatoḍagalākṣaṇa atta |
jātavēdasanētra pratirūpadī |
cāturyadali balu byāṭimārgadali |
kirātanandadi banda hampanenisī |
gōtura jātiya kaṇḍu mānavanante |
sōtu nīnārendu mātāḍisē |
nītavallendu ā pampanāmaka girije |
bhīti tōridaḷu an’yarōpādili |
yātake sanśaya ennallivuḷḷa maha |
bhūti ninnadu endu satiyāmadanā |
rāti oḍambaḍisi pāṇigrahaṇava māḍe |
bhūta pramathagaṇa pogaḷutire |
jōtirmayārūpa vijayaviṭhalarēyana |
mātu mātige nenisi puḷakōtsadallide 3
jhampetāḷa
hariya nirūpadalli paramēṣṭisuranikara |
parama haruṣadali nindirade bandu |
neredu sakalaru vēda hiridu mantragaḷinda |
ciravakkumāmahēśvarage kāśiya daḷidu [?]
Moragidavu bhēri abbarisi nānā vādya |
suraru kusuma varuṣa gariye mahōtsaha dalli |
karisikoṇḍanu puraharanandinārabhya |
vara pompāramaṇa pesarinindali |
meredudībhūmi vistaradinda pompākṣē |
turu ādiyugaviḍidu karisitideko |
sari illavendidara aridu śaṅkhaśakaṭa |
śarabha mārkāṇḍēya dēvarati kapilā |
pari pari munigaḷu parama samādhiyali |
hariharara pūjisidaru guṇagaḷa tiḷidu |
surapāla vijayaviṭhalane sarvottamā |
aridavage kaivalya sarisadale uṇṭu 4
triviḍi tāḷa
pita mahadēvanu atiśayadali illi |
kr̥tava māḍidanu amitabageyalli |
kṣitiyoḷi aivaru parvatadeḍeyali racisi |
caturāsya pōge kālatītavāgalu bahu |
kṣiti parāḷidaru unnalīleyalli avaru |
gatavāda taruvāya śata mōdanandananu |
prativillavenisi suputadvīpadoḷu meriye |
ditisuta nindarkasutaroḍane vāli |
hitatappi naḍedu durmatiyalli san̄carise |
patitarāvaṇa vibudhatatigaḷaṭṭalu avara |
stutige puṭṭida siripati daśarathanalli |
catura māruta tanna patisēve gōsuga |
sutanādan̄janige saṅgatiyella tiḷidu |
satipōda vyājadali kṣitipanallige baralu |
natavāgi bhāskaranā sutana nerahe vāliya |
hatavamāḍi raghupati illi mereda pa |
rvata mūlyavantadalli vratatoṭṭa naranante |
nutisi varavabēḍi mati tāra tamyadali |
matavanne biḍade śāśvata phalavanudina |
yatigaḷa manōhara vijayaviṭhala hariya |
kr̥tadvanśi tannoḷage pratikāla japisuva 5
aṭṭatāḷa
manumatha koṇḍu vaśiṣṭa lōka pā |
vane agastya tīrtha pompāsāgara sītā |
r̥ṇa mōcana tīrthapoḷevudu sudaru |
śana tīrthakōṭi kapilatīrtha mārkāṇḍēyā |
munitīrtha nānā tīrthaṅgaḷu illi uṇṭu |
anumāna biḍi sādhana mānavarella |
manaśuciyāgi nānu nīnemba mā |
tanu pēḷalāgadu haṇa maṇṇu onde yādare aṅgaḍi[ga]ma |
ṇṇannu koṭṭu udarake tarabāradē dhān’ya |
ninage avage bhēdā illavādare ninnā |
vaniteyā mattobba hiḍidu vaidarēnu |
guṇa paripūrṇava bom’mage pēḷini |
rguṇanendu nuḍivudu apasid’dhāntavu |
jananiya baḷiyalli gartiyendu pēḷi |
janara munde hādaragitti endante |
guṇavuṇṭu guṇavillāvendu yamana yā |
taneyinda bahukṣēśavanu baḍuvadu sallā |
kanasu endare idu manake tāra kāṇṇyā |
kaṇi tandu bittalu janisuvade sasi |
binagu mārgava biṭṭu guṇavanta nāgi bha |
jane māḍu sarvatīrthavane mindu vaṭataru |
vinali gōtra ēḷanu ud’dharipadu |
analākṣage bandanu tandu abhiṣēka |
vane māḍalavane dhan’yanukāṇo jagadoḷu |
eṇisalu suttayōjana kṣētravenni |
hanumavandita nam’ma vijayaviṭhalana śa |
raṇagallade puṇya bhaṇagugaḷiguṇṭe 6
āditāḷa
naragondu sauri ihaparadalli harige keṁ |
karanenisi koṇḍava haridu illige bandu |
girisuta ramaṇanna daruśanavanu māḍi |
karaṇa śud’dhiyalli stōttaragaidu matiyalli |
vara pompākṣētrada arasu gulagan̄ji |
dhara mādhavaṅge nīreradu samarpise |
korateyāgadante paripūrṇavanu māḍi |
porevanu yātriya carisade mānavanu |
haranu parama laukika guruvembōde sid’dhā |
aritavaṅge manasthiravāgi nillisuva |
dhareyoḷagidu bhāskara kṣētra venisōdu |
suraru illi pparu vāsara ondu biḍadale |
parama puruṣa nam’ma vijayaviṭhala hariya |
smaraṇe māḍuta ī kṣētura mahime tiḷivudu 7
jate
janumadoḷage om’me pampākṣētrada yātri |
manamecci carisalu vijayaviṭhala olivā 8
Madhwa 